Aldaǵy úsh kúnde 40 gradýs aptap ystyq bolady

ASTANA. KAZINFORM — Qazgıdromet sınoptıkteri 13-15 maýsym aralyǵyna arnalǵan úsh kúndik aýa raıy boljamyn jarııalady. 

Aldaǵy kúnderi Qazaqstannyń basym bóliginde fronttarǵa baılanysty aýa raıy turaqsyz bolady.

Jańbyr, naızaǵaı jáne ekpindi jel boljanady, elimizdiń soltústiginde, shyǵysynda jáne ortalyǵynda burshaq jaýady.

Eń qarqyndy jańbyr 13-15 maýsym aralyǵynda shyǵysta jáne ortalyqta bolady, al 14 maýsymda elimizdiń soltústigi men ońtústik-shyǵysynda qatty jaýyn jaýady. 

Kúndizgi temperatýra elimizdiń batysynda — +33+40°S, soltústigi, ortalyǵynda — +20+28°S-tan +25+30°S-qa deıin, ońtústiginde — +27+35°S-tan +30+40°S-qa deıin, ońtústik-shyǵysynda — +22+30°S-tan +25+35°S deıin, al shyǵysta — +22+30°S-tan +20+28°S-qa deıin azdap tómendeıdi.