Aldaǵy úsh kúnde aıaz batystan bastalyp, ońtústikke qaraı jyljıdy
ASTANA. KAZINFORM — «Qazgıdromet» RMK 2026 jylǵy 22–24 qazanǵa arnalǵan Qazaqstan aýmaǵy boıynsha aýa raıy boljamyn jarııa etti.
Sınoptıkterdiń boljamynsha, Qazaqstanǵa aıaz keledi.
— Jańbyr men qar túrinde jaýyn-shashyn ákelgen tsıklonnyń ornyna Qazaqstan aýmaǵyna sýyq antıtsıklon jyljyp keledi. Onyń áserinen jaýyn-shashyn toqtap, aldymen elimizdiń batys óńirlerinde, keıin basqa aımaqtarda aýa temperatýrasy tómendeıdi, — delingen habarlamada.
Túngi ýaqytta soltústik jáne shyǵys oblystarda aýa temperatýrasy birtindep 0, +5°S-tan −5–10°S-qa deıin tómendeıdi.
Tipti ońtústik óńirlerdiń turǵyndary da qystyń jaqyndaǵanyn sezinedi. Túnde aýa temperatýrasy −2–7°S-qa deıin tómendep, kúndiz +2–7°S aralyǵynda bolady.
Osydan buryn Aqmola oblysynda qarasha jyly bastalyp, aı sońynda aıaz kúsheıetinin jazdyq.
