Aldaǵy úsh kúnde aýa temperatýrasy +36°C-ge deıin kóteriledi
ASTANA. KAZINFORM — «Qazgıdromet» RMQ 5-7 mamyr kúnderine arnalǵan aýa raıy boljamyn jarııalady.
Sınoptıkterdiń boljamynsha, Qazaqstannyń basym bóliginde atmosferalyq fronttardyń ótýine baılanysty aýa raıynyń qubylmaly sıpaty saqtalady — jańbyr jaýyp, naızaǵaı oınaıdy, keı jerlerde burshaq túsip, jeldiń ekpini kúsheıýi múmkin.
— 5 mamyrda eldiń soltústiginde, 6–7 mamyrda batysynda qatty jańbyr kútiledi. Respýblıka boıynsha batys óńirlerde túngi jáne tańǵy saǵattarda tuman boljanady, — delingen habarlamada.
Respýblıka aýmaǵynda aýa temperatýrasynyń azdaǵan aýytqýy kútiledi. Eldiń ońtústiginde kúndiz temperatýra +22…+32°C-tan +27…+36°C-qa deıin kóteriledi, al ońtústik-shyǵysta +15…+30°C-tan +20…+35°C-qa deıin joǵarylaıdy.
Aıta keteıik, buǵan deıin birneshe oblysta tótenshe órt qaýpi saqtalatynyn jazdyq.
