Aldaǵy úsh kúnde aýa raıy kúrt sýytyp, jańbyrdyń sońy qarǵa ulasady

ASTANA. KAZINFORM — Qazgıdromet 30 sáýir — 2 mamyr aralyǵyna arnalǵan aýa raıy boljamyn jarııalady. 

Respýblıkanyń basym bóliginde atmosferalyq fronttardyń áserinen jaýyn-shashyn jaýady.

1-2 mamyrda elimizdiń soltústiginde, shyǵysynda, ońtústik-shyǵysynda jáne ortalyǵynda qatty jaýyn-shashyn bolady. 

Túngi ýaqytta jańbyrdyń arty qarǵa ulasýy yqtımal, naızaǵaı, elimizdiń ońtústik-shyǵysynda burshaq jaýýy múmkin. 

Respýblıka boıynsha ekpindi jel kúsheıedi, túnde soltústik, shyǵys óńirlerde tuman bolady dep boljanyp otyr. 

Skandınavııa aımaqtarynan engen salqyn antıtsıklon yqpalymen soltústik, shyǵys jáne ortalyq aımaqtarda aýa temperatýrasy túnde 0-5 gradýs jyly, 1-6 gradýs úsikke deıin, kúndiz 5-13 gradýs jylyǵa deıin kúrt tómendeıdi.

Sondaı-aq, sýyq front birtindep elimizdiń ońtústik aımaqtaryna qaraı jyljıdy, onda aýa temperatýrasy túnde 2-7 gradýs jyly, 2 gradýs úsikke deıin, kúndiz 15-25 gradýs jylýǵa deıin tómendeıdi.