Aldaǵy úsh kúnde aýa raıy qandaı bolady

ASTANA. KAZINFORM — «Qazgıdrometı» RMQ 21–23 sáýirge arnalǵan Qazaqstan boıynsha aýa raıy boljamyn jarııalady.

Sınoptıkterdiń boljamynsha, Máskeý mańynan jyljyǵan tsıklon jáne onymen baılanysty atmosferalyq fronttar elimizdiń búkil aýmaǵynda turaqsyz aýa raıyn qalyptastyrady.

— Jańbyr jaýyp, 23 sáýirde respýblıkanyń ońtústigi men ońtústik-shyǵysynda nóser jańbyr kútiledi, kúndiz naızaǵaı oınap, keı jerlerde burshaq jaýýy múmkin. Respýblıka boıynsha jeldiń kúsheıýi boljanady, túngi jáne tańǵy ýaqytta tuman túsýi yqtımal, — delingen habarlamada.

Kúndiz aýa temperatýrasynyń tómendeýi kútiledi: Batys Qazaqstanda 7–17 gradýs jyly, soltústikte 13–20 gradýs jyly, ortalyqta 15–23 gradýs, al ońtústik pen ońtústik-shyǵysta 15–20 gradýs jyly bolady.

Buǵan deıin Shyǵys Qazaqstanda mamyr aıynda aýa raıy qubylmaly bolatynyn jazdyq.