Aldaǵy úsh kúnde aýa raıy qubylmaly bolady

ASTANA. KAZINFORM — Qazgıdromet sınoptıkteri 23-25 shilde aralyǵyna arnalǵan úsh kúndik aýa raıy boljamyn jarııalady. 

Aldaǵy kúnderi Qazaqstan aýmaǵynyń basym bóliginde tómen atmosferalyq qysymnyń áserinen jańbyr jaýyp, kún kúrkireıdi, ekpindi jel turady. 

Al soltústik-batysta, soltústikte, 24-25 shildede — batysta, 25 shildede — eldiń ortalyǵynda qatty jańbyr jáne burshaq jaýady. 

Kúndiz aýa temperatýrasy elimizdiń shyǵysynda +30+35℃ deıin, ońtústiginde +38+43℃ deıin, ońtústik-shyǵysynda +31+37℃ deıin joǵarylaıdy.