Aldaǵy úsh kúnde aýa raıy qandaı bolady

ASTANA. KAZINFORM – «Qazgıdromet» RMK 25-27 mamyrǵa aýa raıy boljamyn jarııalady. Aldaǵy úsh kúnde respýblıka boıynsha Soltústik tsıklonnyń áserinen jańbyr túrinde jaýyn-shashyn, qar, naızaǵaı, burshaq jáne jeldiń qatty kúsheıýi boljanǵan. 

Sınoptıkterdiń málimetinshe, qatty jaýyn-shashyn (jańbyr, qar) 25-27 mamyrda eldiń soltústiginde, 25-26 mamyrda ortalyǵynda, Ońtústik-Shyǵysynda, 26 mamyrda shyǵys, soltústik-batys aımaqtarynda qatty jańbyr jaýady dep boljanyp otyr. Óz kezeginde Skandınavııa aýdandarynan shyqqan keń antıtsıklon respýblıkanyń batysynda aýa raıyn ashyq ustaıdy.

Jaqyndap kele jatqan sýyq aýa massalary túngi jáne tańerteńgi saǵattarda 3 gradýsqa deıin aıazǵa sebep bolady. 25 mamyrda batysta, soltústik-batysta, soltústikte, 26 mamyrda ortalyqta, 27 mamyrda shyǵysta, ońtústik-shyǵysta, 26-27 mamyrda Ońtústik Qazaqstannyń taýly aımaqtarynda úsik júredi.