Aldaǵy úsh kúnde aýa raıy qandaı bolady

ASTANA. KAZINFORM — «Qazgıdromet» RMQ 13-15 qyrkúıekke arnalǵan aýa raıy boljamyn jarııalady.

Aldaǵy kúnderi respýblıkanyń basym bóliginde frontaldi bólikterdiń ótýine baılanysty naızaǵaımen birge jańbyr jaýady.

— 13-14 qyrkúıekte Shyǵys Qazaqstan oblysynda, 14 qyrkúıekte Jetisý oblysynyń taýly aýdandarynda, 15 qyrkúıekte Mańǵystaý oblysynda qatty jańbyr, burshaq, daýyl kútiledi. Respýblıka boıynsha jeldiń kúsheıýi boljanady, soltústik-batysta, soltústikte, shyǵysta, ortalyqta, respýblıkanyń ońtústik-shyǵysynda túngi jáne tańǵy saǵattarda tuman túsedi, — delingen habarlamada.

Temperatýralyq jaǵdaıda aýa temperatýrasynyń tómendeýi kútiledi: eldiń shyǵysynda túnde 0-9° jyly, kúndiz 10-22° jyly, eldiń ońtústiginde túnde 10-16° jyly, kúndiz 17-28° jyly, ortalyqta túnde 1-9° jyly, kúndiz 12-20° jyly. Soltústikte, soltústik-batysta kúndizgi aýa temperatýrasynyń 12-19° jylyǵa deıin kóterilýi kútiledi. Batysta, ońtústik-shyǵysta temperatýralyq jaǵdaıda aıtarlyqtaı ózgerister boljanbaıdy.

Eske sala keteıik, Qostanaı oblysynda 2°S deıin aıaz kútiletinin jazǵan edik.