Aldaǵy úsh kúnde aýa raıy qandaı bolady
ASTANA. KAZINFORM – 27-29 qańtar kúnderi ońtústik tsıklon shyǵysqa qaraı jyljyp, respýblıkanyń basym bóligin qamtıdy
El aýmaǵynda qar jaýady, al ońtústik jáne ońtústik-shyǵys óńirlerde jaýyn-shashyn jańbyr men qar túrinde kútiledi. Keı jerlerde boran soǵyp, kóktaıǵaq bolyp, jel kúsheıedi.
Soltústik-batys, soltústik jáne ortalyq aımaqtar antıtsıklonnyń yqpalynda bolady. Bul óńirlerde tynyq, aıazdy, negizinen jaýyn-shashynsyz aýa raıy saqtalady.
Kezeńniń basynda batys jáne soltústik oblystarda aıazdy aýa raıy bolady, túngi aýa temperatýrasy -20…-35°S shamasynda bolady. Keıin aýa temperatýrasynyń joǵarylaýy boljanady: batys pen soltústikte túnde -7…-20°S-qa deıin, kúndiz -2…-12°S-qa deıin.
Al ortalyq, shyǵys jáne ońtústik-shyǵys óńirlerde aýa temperatýrasy tómendeıdi: túnde -3…-18°S, taýly aýdandarda -15…-23°S, kúndiz 0…-7°S, taýly jerlerde -8…-15°S bolady.
Aıta ketelik búgin joldaǵy ahýal qandaı ekenin jazǵan edik.