Aldaǵy úsh kúnde 32 gradýsqa deıin sýytyp, boran soǵady

ASTANA. KAZINFORM — Qazgıdromet sınoptıkteri 13-15 aqpan aralyǵyna arnalǵan úsh kúndik aýa raıy boljamyn jarııalady. 

13-14 aqpanda fronttardyń áserinen Qazaqstannyń basym bóliginde aýa raıynyń turaqsyz sıpaty saqtalady.

Jańbyr men qar jaýady, soltústik óńirlerde qalyń qar jaýady.

Burqasyn, kóktaıǵaq bolady.

Sondaı-aq aýa temperatýrasy batysta 5 gradýs aıazdan 5 jylyǵa deıin, soltústik, ortalyq shyǵys óńirlerde —5 aıazdan +2 deıin joǵarylaıdy. 

15 aqpanda tsıklon Qazaqstan aýmaǵynan jyljyp, onyń sońynan arktıkalyq antıtsıklon enedi. 

Saldarynan respýblıkanyń soltústik jartysyna aıaz qaıtyp keledi.

Elimizdiń batysynda, soltústik-batysynda jáne soltústiginde 15 aqpanda aýa temperatýrasy túnde 22-32, kúndiz 15-27 gradýs aıazǵa deıin tómendeıdi.

Elimizdiń qalǵan aýmaǵynda temperatýralyq fonda kúrt ózgeris bolmaıdy.