Aldaǵy úsh kún jaımashýaq jyly bolady

Qazgıdromet sınoptıkteri 5-7 qazan aralyǵyna arnalǵan úsh kúndik aýa raıy boljamyn usyndy, dep habarlaıdy QazAqparat. 

Taıaý kúnderi Qazaqstannyń soltústik, ortalyq jáne shyǵys óńir turǵyndaryn jaýyn-shashynsyz jyly aýa raıy kútedi.

Kúndizgi ýaqytta elimizdiń soltústiginde 15-23 gradýsqa deıin jylynady, ońtústikte 20-28 jyly kún raıy saqtalady.

Respýblıkanyń batysynda, ońtústiginde jáne ońtústik-shyǵysynda aýa raıynyń turaqsyz sıpaty bolady.

Jańbyr jaýyp, naızaǵaı oınaıdy, ekpindi jel soǵady.

Elimizdiń soltústiginde, ortalyǵynda jáne shyǵysynda túngi ýaqytta 1-3 gradýsqa deıin úsik júredi.