Aldaǵy úsh kún aýa raıy sýytyp, 5 gradýs aıaz bolady

Qazgıdromet mamandary 10-12 qazanǵa arnalǵan úsh kúndik aýa raıy boljamyn usyndy, dep habarlaıdy QazAqparat. 

Aldaǵy kúnderi respýblıkanyń kóp bóliginde kún raıy tez ózgeredi – jaýyn-shashyn (jańbyr sońy qarǵa ulasady) jaýyp, ońtústikte kún jańbyrly, jel kúsheıedi.

Elimizdiń soltústik-batysynda, soltústiginde jáne ortalyǵynda túngi jáne tańerteńgi ýaqytta tuman túsip, kóktaıǵaq bolady. 

Batys óńirlerde aýa temperatýrasy túnde 5 aıaz - 7 jylyǵa deıin, kúndiz 5-18 gradýs jylyǵa deıin, soltústik-batys, soltústik jáne ortalyqta túnde 5 gradýs aıaz - 5 gradýs jylyǵa deıin, kúndiz 5 - 13 jylyǵa deıin tómendeıdi.