Aldaǵy úsh kún 46 gradýs shyńyltyr aıaz saqtalady

Qazgıdromet sınoptıkteri 9-11 jeltoqsanǵa arnalǵan úsh kúndik aýa raıy boljamyn jarııalady, dep habarlaıdy Kazinform. 

Aldaǵy úsh táýlikte arktıkalyq antıtsıklonnyń áserinen respýblıkanyń basym bóliginde jaýyn-shashyn toqtap, aıazdy aýa raıy kúshine minedi. 

Al atmosferalyq fronttardyń áserinen respýblıkanyń shyǵysynda qar jaýady.

Qazaqstannyń ońtústik-batysynda jáne ońtústik oblystarynda jaýyn-shashyn (jańbyr, qar) saqtalady.

Respýblıkanyń ońtústiginde taý bókterinde jáne taýly aımaqtarda qatty qar jaýady.

«Aýa temperatýrasy túnde soltústik-batysta 20-37 gradýs aıazǵa deıin, soltústikte 30-38 gradýs aıaz, respýblıkanyń qıyr soltústiginde 40-46 gradýs aıazǵa deıin sýytady. Ortalyqta jáne shyǵysta kún 25-35 gradýs aıazǵa deıin tómendeıdi. Respýblıka boıynsha jel kúsheıip, ońtústik oblystarda tuman boljanady» dep málimdedi sınoptıkter.