Aldaǵy ýaqytta 28 gradýs aıaz bolady

ASTANA. KAZINFORM — Aýqymdy tsıklon Qazaqstan Respýblıkasynyń aýmaǵynyń basym bóliginde óz yqpalyn saqtaıdy.

Osyǵan baılanysty qar jaýyp, burqasyn bolady, al eldiń ońtústigi men ońtústik-shyǵysynda jańbyr men qar túrindegi jaýyn-shashyn, kóktaıǵaq bolady, taýly aımaqtarda burqasyn bolady.

Respýblıka boıynsha ekpindi jel soǵady jyldamdyǵy 15–20 m/s, keı jerlerde 23–28 m/s-qa deıin kúsheıedi. Eldiń ońtústigi men ońtústik-shyǵysynda túngi jáne tańǵy ýaqytta tuman boljanady.

Temperatýralyq fon da ózgeredi: batys óńirlerde túnde aýa temperatýrasy 10–18 aıazdan 3–13 aıazǵa deıin aýytqıdy, kúndiz 0–15 gradýs aıazdan 3 – 5 gradýsqa deıin jylynady. Soltústik, ortalyq jáne shyǵys óńirlerde túngi ýaqytta temperatýra 7–15 aıazdan 12–28 aıazǵa deıin tómendeıdi, kúndiz 5–15 aıazdan 8–18 aıazǵa deıin bolady.

Eldiń ońtústigi men ońtústik-shyǵysynda túnde 3–11 aıazdan 5–20 aıazǵa deıin tómendep, kúndiz 5 aıaz – 2 jylýdan 1–13 aıazǵa deıin ózgerýi kútiledi.

Aıta ketelik 15 jeltoqsan kúni aýa raıy jaǵdaıyna baılanysty elimizdiń birneshe óńirindegi respýblıkalyq mańyzy bar avtojoldarda qozǵalys rejımi ózgergen edi.