Aldaǵy kúnderi jel kúsheıip, qarly boran soǵady

ASTANA. KAZINFORM — «Qazgıdromet» RMK aldaǵy táýlikte jańbyr men qar túrindegi jaýyn-shashyn, kóktaıǵaq bolatynyn eskertti.

— Aldaǵy táýlikterde soltústik antıtsıklonynyń yqpaly álsireı bastaıdy, jáne respýblıkanyń aýmaǵyna Atlantıkalyq tsıklon jyljı bastaıdy. Ol turaqsyz aýa raıyn alyp keledi: jańbyr men qar túrindegi jaýyn-shashyn, kóktaıǵaq, al soltústik, ortalyq jáne shyǵys aımaqtarda qarly boran men qar jaýyp, boran kútiledi. Respýblıka boıynsha jeldiń kúsheıýi boljanady, túngi jáne tańǵy saǵattarda tuman saqtalady, — delingen habarlamada.

Sınoptıkter temperatýralyq fon da ózgeretinin boljaıdy. Soltústik, ortalyq jáne shyǵys óńirlerde túnde temperatýra 5–15 gradýs aıazǵa deıin kóteriledi, kúndiz 0–5 gradýs aıaz kútiledi. Batys, ońtústik jáne ońtústik-shyǵys aımaqtarda túnde 0–5 gradýs aıaz, kúndiz 0–8 gradýs jyly aýa raıy boljanady.

Aıta keteıik, aýa raıyna baılanysty Jambyl jáne Túrkistan oblysynda kólik qozǵalysy shekteldi.