Aldaǵy kúnderi jaýyn-shashyndy bolady
ASTANA.KAZINFORM — Qazgıdromet 2-4 shildege arnalǵan Qazaqstan boıynsha aýa raıy boljamyn jarııalady.
Aldaǵy úsh táýlikte Qazaqstan aýmaǵyna belsendi tsıklon yqpalyn saqtap, aýa raıy qubylmaly bolady. Jańbyr jaýyp, naızaǵaı oınaıdy, keı ýaqytta nóser jańbyr jaýyp, burshaq túsýi múmkin. Respýblıka boıynsha jeldiń kúsheıýi 15–20 m/s-qa deıin jetedi, 2–3 shildede elimizdiń ońtústigi men ońtústik-shyǵysynda jel ekpini 23–28 m/s-qa deıin kúsheıedi. Qazaqstannyń ońtústiginde shańdy daýyl kútiledi.
Kúndizgi aýa temperatýrasy batys pen ońtústik-batysta +31…+38°C-qa deıin joǵarylaıdy, soltústik-batysta +27…+35°C bolady. Eldiń soltústigi men ortalyǵynda aýa temperatýrasy +18…+28°C-qa deıin tómendeıdi. Respýblıkanyń shyǵysynda aptap ystyq saqtalyp, aýa temperatýrasy +30…+37°C bolady. Al ońtústik jáne ońtústik-shyǵys óńirlerde aýa temperatýrasynyń jaıly deńgeıi +25…+35°C aralyǵynda kútiledi.
Aıta ketelik búgin barlyq qalada aýa sapasy talapqa saı bolady.
