Aldaǵy kúnder jaýyn-shashyndy bolady
ASTANA. KAZINFORM — «Qazgıdromet» 3-5 maýsym aralyǵyna arnalǵan aýa raıy boljamyn jarııalady.
Belsendi tsıklon Qazaqstan aýmaǵynyń basym bóligine áser etip jatyr. Aldaǵy kúnderi elimizde aýa raıynyń turaqsyz sıpaty saqtalady: jańbyr jaýyp, naızaǵaı oınaıdy, jel kúsheıedi, sondaı-aq burshaq pen daýyl bolýy múmkin.
4 maýsymda elimizdiń batys óńirlerinde, 4-5 maýsymda soltústik-batys pen soltústik aımaqtarda, al 6 maýsymda respýblıkanyń ońtústik-shyǵysynda nóser jańbyr jaýady dep boljanyp otyr. Tek Qazaqstannyń shyǵysy men ońtústiginde jaýyn-shashynsyz aýa raıy kútiledi.
Kúndiz batysta, soltústik-batysta jáne soltústikte aýa temperatýrasy +22...+30°S deıin kóteriledi. Soltústik-shyǵys pen shyǵysta ystyq aýa raıy saqtalyp, aýa temperatýrasy +30...+37°S deıin joǵarylaıdy. Respýblıkanyń ońtústik-shyǵysynda aptap ystyqtyń azdap báseńdeýi kútiledi, munda aýa temperatýrasy +25...+33°S shamasynda bolady.
Eske salsaq Almatyda erekshe «parık aǵash» gúldedi.
