Aldaǵy kúnderi jańbyr aralas qar jaýyp, kóktaıǵaq bolady
ASTANA. KAZINFORM — Jaýyn-shashynsyz aýa raıyn qalyptastyrǵan antıtsıklon Qazaqstan aýmaǵynan jyljyp, onyń ornyn soltústik tsıklon basady.
Aldaǵy úsh kúnde ol aldymen elimizdiń batysynda, keıin qalǵan óńirlerinde aýa raıynyń nasharlaýyna sebep bolady.
Jańbyr jaýady, soltústik óńirlerde jańbyr men qar túrinde jaýyn-shashyn, kóktaıǵaq qubylystary boljanady.
5–6 qarashada respýblıkanyń batysynda, soltústik-batysynda nóser jaýyn-shashyn (jańbyr, qar), al 6 qarashada ońtústik jáne ortalyq óńirlerde nóser jańbyr jaýady.
Respýblıka boıynsha jel kúsheıip, túngi jáne tańerteńgi ýaqytta tuman boljanady.
Aýa temperatýrasy batysta túnde 0,+7°S, kúndiz +3+14°S, soltústik-batysta túnde -1-8°S, kúndiz +1+15°S bolady.
Soltústik jáne ortalyq óńirlerde túngi aýa temperatýrasy -3-8°S-tan +1+6°S-qa deıin joǵarylaıdy, kúndiz +5+13°S-tan +1+10°S-qa deıin tómendeıdi. Eldiń shyǵysynda túngi temperatýra -3-8°S-tan 0,+5°S-qa deıin joǵarylap, kúndiz +3+8°S-tan +7+12°S-qa deıin kóteriledi.
Ońtústik jáne ońtústik-shyǵys óńirlerde aýa temperatýrasynyń aıtarlyqtaı ózgerýi kútilmeıdi.
