Aldaǵy kúnderi soltústikte sýyp, ońtústikte kún jylynady

ASTANA. KAZINFORM – Eldiń soltústiginde temperatýra tómendeıdi.

Aldaǵy úsh táýlikte Oral taýlary mańynan jyljyp kele jatqan tsıklon Qazaqstan aýmaǵy arqyly ótip, onyń áserinen jaýyn-shashyn jaýyp, kóktaıǵaq bolyp, jel kúsheıip. boran soǵady. 

Alaıda 18 aqpannan bastap tsıklonnyń tylyna Helsınkı mańynan jyljyp kele jatqan antıtsıklon taraı bastaıdy, bul elimizdiń soltústiginde aýa temperatýrasynyń tómendeýine jáne jaýyn-shashynnyń birtindep toqtaýyna ákeledi.

Respýblıkanyń soltústiginde túngi ýaqytta aýa temperatýrasy 18–23 gradýs aıazǵa deıin tómendeıdi, al ońtústik óńirlerde, kerisinshe, kúndiz aýa temperatýrasy 15–20 gradýs jylyǵa deıin kóteriledi. Bul Qara teńiz mańynan jyljyp kele jatqan kezekti tsıklonnyń áserimen baılanysty bolady. 

Aıta ketelik úsh oblysta kólik qozǵalysy qaıta jandanǵany týraly jazǵan edik.