Aldaǵy kúnderi soltústik óńirlerde burshaq jaýady - Qazgıdromet

ASTANA. KAZINFORM - Aldaǵy kúnderi soltústik-batys tsıklony respýblıkanyń basym bóligine yqpal etedi, dep habarlaıdy «Qazgıdromet».

Sonyń saldarynan respýblıkanyń basym bóliginde naızaǵaı oınap, jańbyr jaýady, soltústik óńirlerde qatty jańbyr, burshaq jaýýy múmkin. Respýblıkanyń batysy men soltústik-batysyna batys antıtsıklonynyń taramy yǵysyp, jaýyn-shashyn toqtaý kútiledi.

Respýblıka boıynsha jel kúsheıedi, soltústikte túnde jáne tańerteń – tuman. Soltústikte túnde +8…+15°S, kúndiz +20…+25°S deıin tómendeıdi. Ortalyqta túnde +9…+18°S, kúndiz +18…+30°S. Shyǵysta túnde +7…+18°S, kúndiz +19…+27°S. Batysta túnde +15…+23°S deıin joǵarylap, kúndiz +30…+37°S. Soltústik-batysta túnde +8…+16°S, kúndiz +25…+33°S. Ońtústikte túnde +13…+22°S, kúndiz birtindep tómendep +27…+35°S. Ońtústik-shyǵysta túnde +10…+22°S, kúndiz birtindep tómendep +20…+32°S kútiledi.

Osyǵan deıin Jambyl oblysynda tuńǵysh ret Merki memlekettik óńirlik tabıǵı parki qurylǵany týraly jazdyq.