Aldaǵy kúnderi kúndiz 37 gradýsqa deıin ystyq bolady
ASTANA. KAZINFORM – Aldaǵy úsh táýlikte Qazaqstannyń basym bóligi atmosferalyq qysymy joǵary aımaqtyń yqpalynda bolady.
Osyǵan baılanysty aýa raıy negizinen qurǵaq, bultsyz jáne jaýyn-shashynsyz bolady.
Eldiń batysynda, ońtústiginde jáne ońtústik-shyǵysynda atmosferalyq fronttardyń áserinen keı jerlerde naızaǵaımen qatar qysqa merzimdi jańbyr jaýyp, jel kúsheıýi múmkin.
Eldiń basym bóliginde jazdaǵydaı jyly kúnder kútiledi. Alaıda shyǵysta jáne ońtústik-shyǵystyń taýly aımaqtarynda túngi aýa temperatýrasy salqyn bolady.
Aýa temperatýrasy kúndiz:
- batysta, soltústikte, ortalyqta +25…+33°S;
- shyǵysta +20…+25°S;
- ońtústikte +28…+37°S;
- ońtústik-shyǵysta +20…+30°S, taýly jáne taý bókterindegi aýdandarda +10…+20°S.
Aıta ketelik búgin elimizdiń shyǵysynda túnde 3 gradýsqa deıin úsik júretini týraly jazǵan edik.
