Aldaǵy kúnderi kún sýytady
ASTANA. KAZINFORM – Qazaqstannyń soltústik jartysynda aýa raıyn soltústik-batys tsıklony anyqtaıdy. Sonyń áserinen jańbyr jaýyp, keı aımaqtarda nóser bolady.
28–29 qyrkúıekte jańbyrdyń arty qarǵa ulasýy múmkin. Al elimizdiń ońtústik jartysynda ońtústik tsıklonnyń áserinen jaýyn jaýyp, naızaǵaı oınaıdy. Respýblıka boıynsha jel kúsheıip, túnde jáne tańerteń tuman boljanady.
28 qyrkúıekten bastap sýyq antıtsıklonnyń enýimen soltústik aımaqtarda, keıin onyń respýblıkanyń ońtústigine qaraı yǵysýyna baılanysty eldiń basym bóliginde aýa temperatýrasynyń tómendeıdi.
Temperatýralyq fon kelesideı boljanady:
eldiń batysynda: túnde +3…+8 °C, kúndiz birtindep +10…+18-den +13…+22 °C-qa deıin kóteriledi;
ońtústik-batysta: túnde +10…+15-den +7…+12 °C-qa deıin tómendeıdi, kúndiz +13…+18-den +18…+23 °C-qa deıin kóteriledi;
soltústik-batys jáne soltústikte: túnde +3…+13 °C-tan –1…–6 °C-qa deıin tómendeıdi, kúndiz +10…+15 °C-tan +3…+10 °C-qa deıin tómendeıdi;
Pavlodar oblysy men ortalyqta: túnde +5…+15 °C-tan +2…+7 °C-qa deıin tómendeıdi, kúndiz +22…+28 °C-tan +7…+18 °C-qa deıin tómendeıdi;
shyǵysta: túnde +2…+10 °C-tan +7…+15 °C-qa deıin qubylady, kúndiz +25…+30 °C-tan +20…+25 °C-qa deıin tómendeıdi, óńirdiń soltústiginde +10…+15 °C;
ońtústikte: túnde +9…+18 °C-tan +5…+13 °C-qa deıin tómendeıdi, kúndiz +22…+32 °C-tan +15…+28 °C-qa deıin tómendeıdi;
ońtústik-shyǵysta: túnde +10…+15 °C, taýly aýdandarda 0…+5 °C, kúndiz +23…+30 °C, taýly óńirlerde +15…+20 °C kútiledi.
