Aldaǵy kúnderi keı óńirde 35 gradýs ystyq bolady
ASTANA. KAZINFORM – Aldaǵy kúnderi Qazaqstan aýmaǵyndaǵy aýa raıyna eki barıkalyq qurylym áser etedi.
Eldiń batys jáne ońtústik óńirleri ońtústik tsıklonnyń yqpalynda bolady. Bul aımaqtarda ótkinshi jańbyr jaýyp, naızaǵaı kútiledi, sondaı-aq kúndizgi aýa temperatýrasy +27…+35 gradýsqa deıin joǵarylaıdy.
Respýblıkanyń qalǵan bóliginde sýyq antıtsıklon óz áserin saqtaıdy. Túngi ýaqytta soltústik, shyǵys jáne ortalyq óńirlerde 1–6 gradýsqa deıin úsik kútiledi. Al kúndiz aspan ashyq bolyp, aýa temperatýrasy +12…+28 gradýstan +20…+30 gradýsqa deıin kóteriledi.
Respýblıka boıynsha jel kúsheıedi, al ońtústik óńirlerde shańdy daýyl bolýy múmkin. Túngi jáne tańerteńgi ýaqytta soltústik, shyǵys óńirlerde jáne ońtústik-shyǵystyń taýly aýdandarynda tuman kútiledi.
Aıta ketelik búgin Almatyda jáne taǵy bes qalada aýa sapasy tómendeıdi.
