Aldaǵy kúnderi keı óńirde 33 gradýs aıaz bolady

ASTANA. KAZINFORM – Qazaqstan aýmaǵynyń basym bóliginde soltústik-batys antıtsıklon sileminiń áserinen jaýyn-shashynsyz aýa raıy bolady.

Tek respýblıkanyń ońtústigi men ońtústik-shyǵysynda atmosferalyq fronttardyń ótýine baılanysty jańbyr men qar túrindegi jaýyn-shashyn, keı jerlerde qatty jaýyn-shashyn boljanady.

Respýblıka boıynsha jel kúsheıip, tuman basady, al ońtústik pen ońtústik-shyǵysynda kóktaıǵaq, jaıaý burqasyn boljanady.

Temperatýralyq fonda birtindep jylynady: Eldiń batysynda túnde 15–25° aıazdan 2–12° aıazǵa deıin, kúndiz 5–15° aıazdan 5° aıaz – 5° jylyǵa deıin. 

Soltústiginde, soltústik-batysynda túnde 20–31° aıazdan 15–25° aıazǵa deıin, kúndiz 15–22° aıazdan 5–13° aıazǵa deıin.

Ortalyǵynda túnde 20–31° aıazdan 12–23° aıazǵa deıin, kúndiz 10–20° aıazdan 1–12° aıazǵa deıin. Respýblıkanyń shyǵysynda túnde aýa temperatýrasy 13–23° aıazdan 25–33° aıazǵa deıin tómendeıdi.