Aldaǵy kúnderi elimizde -40°S-qa deıin aıaz bolady

ASTANA. KAZINFORM – 2026 jylǵy 15–17 qańtar aralyǵynda Qazaqstannyń basym bóliginde aýa temperatýrasynyń tómendeýi kútilip otyr. Bul týraly «Qazgıdromet» RMK sınoptıkteri habarlady. 

Meteorologııalyq boljamǵa sáıkes, el aýmaǵyndaǵy aýa raıyna jańa antıtsıklon áser etedi. Atap aıtqanda respýblıka boıynsha temperatýranyń kúrt tómendeýine sebep bolady.

15 qańtarda soltústik pen shyǵys óńirlerinde túngi aýa temperatýrasy -30…-40°S deıin tómendeıdi. Al ońtústik aımaqtarda túngi temperatýra -5…-13°S, ońtústik-shyǵysta -8…-17°S, taýly aýdandarda -20…-25°S shamasynda bolady. 

Sonymen qatar 15–16 qańtarda Qazaqstannyń ońtústiginde qar jaýady, boran soǵyp, kóktaıǵaq bolady.

16–17 qańtarda ońtústik-shyǵys óńirlerde qalyń qar jaýyp, boran, tuman jáne kóktaıǵaq kútiledi.

Osyǵan deıin 14 qańtarda eldegi qaı joldarda qozǵalys tártibi ózgergenin jazǵanbyz.