Aldaǵy kúnderi eldiń birneshe óńirinde qys qaharyna minedi
ASTANA. KAZINFORM — 19–21 qarasha aralyǵynda Qazaqstannyń basym bóliginde jańbyr men qar jaýyp, soltústik óńirlerde kóktaıǵaq kútiledi. Sınoptıkter jeldiń kúsheıýi men tuman týraly eskertti. Al shyǵys aımaqtarda jaýyn-shashynsyz aýa raıy basym bolady.
«Qazgıdromet» sınoptıkteriniń boljamynsha, aldaǵy kúnderi Qazaqstan aýmaǵynyń basym bóligine soltústik-batys tsıklonynyń tereń jyrasy áser etedi. Aldymen onyń yqpaly batys óńirlerde baıqalyp, keıin turaqsyz aýa raıy soltústik-batys pen eldiń soltústik aımaqtaryna taralady. Tek respýblıkanyń shyǵysynda jaýyn-shashynsyz aýa raıy basym bolady.
Eldiń basym bóliginde jańbyr men qar túrinde jaýyn-shashyn kútiledi, al soltústik óńirlerde kóktaıǵaq qubylystary boljanady. Respýblıka boıynsha jel kúsheıedi, túngi jáne tańǵy saǵattarda keı jerlerde tuman baıqalady.
Eldiń batysynda aýa temperatýrasy túnde −2…+5 °C-tan +1…+10 °C-qa deıin, kúndiz +2…+10 °C-tan +5…+10 °C-qa deıin joǵarylaıdy.
Soltústik-batys, soltústik, ortalyq jáne shyǵys óńirlerde túngi ýaqytta aýa temperatýrasy −3…−13 °C aralyǵyndaǵy teris mánderde saqtalady. Kúndiz aýa temperatýrasy 0…+5 °C-tan +5…+10 °C-qa deıin joǵarylaıdy.
Eldiń ońtústigi men ońtústik-shyǵysynda aýa temperatýrasynyń kúrt ózgerýi kútilmeıdi.
Eske sala keteıik, osy kúnderi aldymen elimizdiń batysynda, keıin soltústik-batysy men soltústiginde jańbyr jáne qar túrinde jaýyn-shashyn jaýatyny boljanǵan edi. Kóktaıǵaq qubylystary kútiledi. Respýblıka boıynsha jel kúsheıedi. Soltústik óńirlerde jáne ońtústik oblystardyń taýly aýdandarynda túngi jáne tańerteńgi saǵattarda tuman kútiledi.