Aldaǵy kúnderi birneshe óńirde jel kúsheıip, shańdy daýyl soǵady
ASTANA. KAZINFORM — Qazgıdromet 31 qazan – 2 qarasha aralyǵyndaǵy Qazaqstan aýmaǵy boıynsha aýa raıy boljamyn jarııalady.
Aldaǵy kúnderi Qazaqstannyń basym bóliginde soltústik-batys tsıklonynyń áserinen atmosferalyq fronttyń ótýine baılanysty aýa raıy turaqsyz bolady. Jańbyr jáne qar túrinde jaýyn-shashyn bolady. Eldiń soltústigi men shyǵysynda kóktaıǵaq bolady.
Tek Qazaqstannyń batysy men soltústik-batysynda antıtsıklon jotasynyń áserinen jaýyn-shashynsyz aýa raıy saqtalady.
Respýblıka boıynsha jel kúsheıedi, ońtústikte kúndiz shańdy daýyl kútiledi. Túngi jáne tańerteńgi ýaqytta eldiń soltústiginde, shyǵysynda, sondaı-aq ońtústik jáne ońtústik-shyǵystyń taýly aýdandarynda tuman bolady.
Respýblıka boıynsha aýa temperatýrasynyń aıtarlyqtaı ózgerýi kútilmeıdi.
