Aldaǵy kúnderi birqatar óńirde qar jaýyp, túnde úsik júredi

Aldaǵy kúnderi atmosferalyq fronttardyń ótýine baılanysty Qazaqstannyń basym bóliginde jańbyr jáne qar túrinde jaýyn-shashyn kútiledi. 15 qazanda eldiń shyǵysy men ońtústik-shyǵysynda keı ýaqyttarda qatty jaýyn-shashyn (jańbyr, qar) boljanady. Eldiń shyǵysynda kóktaıǵaq bolady. Tek respýblıkanyń ortalyǵy men ońtústiginde jaýyn-shashynsyz aýa raıy kútiledi.

16–17 qazanǵa qaraǵan túnderi eldiń ońtústik-shyǵysynda 1–2 gradýs úsik júredi. Respýblıka boıynsha jeldiń kúsheıýi, túngi jáne tańerteńgi ýaqytta tuman bolady.

Aýa temperatýrasy:

• Eldiń batysynda: túnde +7…+15°S-qa deıin, kúndiz +17…+25°S-qa deıin tómendeıdi;

• Aqtóbe oblysynda: túnde +1…+6°S, óńirdiń soltústigi men shyǵysynda −1…−3°S, kúndiz +15…+23°S-qa deıin tómendeıdi;

• Qostanaı oblysynda: túnde −1…−6°S-qa deıin tómendeıdi, kúndiz aýa temperatýrasy +12…+17°S-tan +10…+15°S-qa deıin azdap qubylady;

• Eldiń soltústiginde: túnde −3…−8°S-qa deıin tómendeıdi, 17 qazannan bastap 0…+8°S-qa deıin joǵarylaıdy. Kúndiz aýa temperatýrasy azdap kóterilip, +7…+12°S bolady;

• Ulytaý oblysynda: túnde aýa temperatýrasy negizinen 0…+6°S, óńirdiń soltústigi men shyǵysynda −3°S bolady. Kúndiz +10…+20°S kútiledi;

• Qaraǵandy oblysynda: túnde aýa temperatýrasy negizinen −1…−8°S, óńirdiń ońtústiginde +3°S bolady. Kúndiz birtindep +10…+15°S-qa deıin joǵarylaıdy;

• Eldiń shyǵysynda: túnde aýa temperatýrasy −1…−6°S-tan −3…−11°S-qa deıin azdap tómendeıdi. Kúndiz negizinen +3…+12°S, óńirdiń shyǵysynda −2°S bolady;

• Respýblıkanyń ońtústiginde: túnde aýa temperatýrasy +2…+10°S-qa deıin, kúndiz +15…+25°S-qa deıin azdap tómendeıdi;

• Eldiń ońtústik-shyǵysynda: túnde aýa temperatýrasy 0…+8°S-qa deıin, taýly aýdandarda −2…−7°S-qa deıin tómendeıdi. Kúndiz aýa temperatýrasy +12…+22°S-tan +10…+18°S-qa deıin azdap qubylady.