Aldaǵy kúnderi aıazdyń beti qaıtady

ASTANA. KAZINFORM – Aldaǵy úsh táýlik ishinde Qazaqstan aýmaǵynyń basym bóligi keń aýqymdy antıtsıklonnyń yqpalynda bolady, sonyń áserinen jaýyn-shashynsyz aýa raıy bolady.

Tek eldiń batys, ońtústik jáne ońtústik-shyǵys óńirleri atmosferalyq frontaldy bólimderdiń yqpalynda qalyp, sonyń áserinen jańbyr men qar jaýyp, boran, soǵyp, kóktaıǵaq bolady. 

Túrkistan oblysynyń taýly aımaqtarynda 31 qańtarda jaýyn-shashyn (jańbyr, qar) boljanady. Respýblıka boıynsha tuman túsip, jeldiń kúsheıedi.

Aýa temperatýrasyna keletin bolsaq, respýblıkanyń barlyq aýmaǵynda birtindep joǵarylaý baıqalady.

31 qańtar kúndiz aýa temperatýrasy batys, ońtústik jáne ońtústik-shyǵys óńirlerde –5°S-tan +5°S-qa deıin, al soltústik-batysta, soltústikte, shyǵysta jáne eldiń ortalyǵynda –2°S-tan –10°S-qa deıin jetedi. 

Aıta ketelik búgin aýa raıy buzylyp, eki oblysta jol jabylǵan edi.