Aldaǵy kúnderi aýa raıy qandaı bolady

ASTANA. KAZINFORM – «Qazgıdromet» RMQ aldaǵy kúnderge arnalǵan aýa raıy boljamyn jarııalady.

Sınoptıkterdiń boljamynsha, aldaǵy kúnderi respýblıka aýmaǵy Atlant muhıtynan keletin tsıklonnyń áserinde bolady. Ol elimizdiń basym bóliginde jańbyr men jeldiń kúsheıýin týdyrady. Tek 30 qazanda soltústik pen ortalyqta, 30–31 qazanda respýblıkanyń shyǵysynda jaýyn-shashynsyz aýa raıy saqtalady.

Ońtústik óńirlerde de atmosferalyq fronttardyń ótýine baılanysty jańbyr jaýady, al taýly aımaqtarda túnde jańbyr men qar túrinde jaýyn-shashyn kútiledi.

Respýblıka boıynsha túngi jáne tańǵy saǵattarda tuman túsedi dep boljanady.

Aýa temperatýrasynyń birtindep tómendeýi kútiledi: kúndiz batysta +5…+10°S, soltústik pen ortalyqta +2…+10°S, ońtústik pen ońtústik-shyǵysta +8…+17°S, shyǵysta +8…+18°S shamasynda bolady.