Aldaǵy kúnderi aýa raıy 35 gradýsqa deıin ysıdy
ASTANA. KAZINFORM – Kezeńniń basynda antıtsıklon jotasy respýblıkanyń soltústiginde, shyǵysynda jáne ortalyǵynda jyly ári ashyq aýa raıyn saqtaıdy.
Al batys jáne ońtústik oblystar burynǵydaı ońtústik tsıklonnyń yqpalynda bolady. Osyǵan baılanysty jańbyr jaýyp, naızaǵaı oınap, ekpindi jel soǵady, keı jerlerde burshaq túsýi múmkin.
19 jáne 21 mamyrda Qyzylorda men Túrkistan oblystarynda, al 19–21 mamyr aralyǵynda Jambyl oblysynda qatty jańbyr kútiledi. Temperatýralyq fon aıtarlyqtaı ózgermeıdi. Aýa temperatýrasy batys pen ońtústikte +27…+35 gradýsqa deıin, shyǵysta +20…+28 gradýsqa deıin kóteriledi.
20–21 mamyr kúnderi soltústik tsıklonnyń áserinen eldiń soltústigi men shyǵysynda jańbyr jaýyp, naızaǵaı kútiledi. Osy kúnderi qatty jańbyr, burshaq jáne daýyldy jel boljanady.
21 mamyrda kúndiz Qostanaı, Aqmola jáne Soltústik Qazaqstan oblystarynda aýa temperatýrasy +10…+18 gradýsqa deıin, al eldiń ortalyǵynda +15…+23 gradýsqa deıin tómendeıdi.
Aıta ketelik sınoptıkter jaz mezgiline boljam jasaǵan edi.
