Aldaǵy kúnderi aptap ystyqtyń beti qaıtady
ASTANA. KAZINFORM – Aldaǵy kúnderi el aýmaǵy arqyly soltústik-batys tsıklony ótedi.
Sýyq aýa massalarymen tolyǵatyn tsıklonnyń áserinen elimizdiń kóptegen óńirine jańbyr jaýyp, naızaǵaı oınaıdy. Soltústik jáne ortalyq óńirlerde nóser jańbyr jaýyp, keı jerlerde burshaq túsýi múmkin.
Jaýyn-shashynmen birge aýa temperatýrasynyń tómendeýi de kútiledi. Soltústik óńirlerde kúndiz aýa temperatýrasy 22–27°S shamasynda bolady. Al eldiń shyǵysynda aptap ystyq birtindep báseńdep, aýa temperatýrasy 33–38°S-tan jaıly 27–32°S-qa deıin tómendeıdi.
Aıta ketelik búgin Almaty men taǵy úsh qalada aýa sapasy nasharlaıdy.
