Aldaǵy kúnderi aptap ystyq bolady
ASTANA. KAZINFORM — Qazgıdromet 7-9 shildege arnalǵan aýa raıy boljamyn jarııalady.
Atmosferalyq fronttardyń ótýine baılanysty elimizdiń basym bóliginde aýa raıy qubylmaly bolady.
Osy kezeńde respýblıkanyń batysynda, shyǵysynda, ońtústik-shyǵysynda, 7–8 shildede soltústiginde jáne ortalyǵynda jańbyr jaýyp, naızaǵaı oınaıdy. 7 shildede ortalyqta jáne shyǵysta, 8 shildede batysta jáne ońtústik-shyǵystyń taýly aýdandarynda, 9 shildede batysta qatty jańbyr jaýyp, ekpindi jel soǵady, burshaq jaýýy múmkin.
Batys, ońtústik jáne shyǵys óńirlerde jeldiń kúsheıýi kútiledi.
Aýa temperatýrasy birtindep joǵarylaıdy: elimizdiń soltústik-batysynda jáne ortalyǵynda aýa temperatýrasy 35–39°S-qa deıin kóterilip, jekelegen aýdandarda 41°S-qa deıin jetetin óte qatty ystyq kútiledi. Soltústik óńirlerde 35–38°S-qa deıingi qatty ystyq boljanady. Eldiń qalǵan aýmaǵynda temperatýralyq fonda aıtarlyqtaı ózgerister kútilmeıdi.
