Aldaǵy kúnderi antıtsıklon saldarynan aýa temperatýrasy kúrt tómendeıdi
ASTANA. KAZINFORM — «Qazgıdromet» RMQ 12-14 mamyr kúnderine arnalǵan aýa raıy boljamyn jarııalady.
Sınoptıkterdiń boljamynsha, skandınavııa aımaqtarynan kelgen antıtsıklon Kazahstan aýmaǵynyń basym bóliginde aýa temperatýrasynyń tómendeýine sebep boldy.
— Sýyq aýa massalarymen tolyǵyp otyrǵan bul antıtsıklon aldaǵy kúnderi de óz yqpalyn saqtap, soltústik, shyǵys jáne ortalyq óńirlerde túngi ýaqytta aýa temperatýrasynyń nólden tómen bolýyna áser etedi, — delingen habarlamada.
Antıtsıklon el aýmaǵy arqyly jyljyǵan saıyn, 13 mamyr túni ońtústik-shyǵys óńirlerde de úsik júrýi kútiledi.
Buǵan deıin Qazaqstan aýmaǵynyń basym bóliginde soltústik-batys tsıklonynyń jáne oǵan baılanysty atmosferalyq frontaldy bólimderdiń yqpalymen turaqsyz aýa raıy saqtalatynyn jazdyq.
