Aldaǵy kúnderi 43 gradýs ystyq bolady
ASTANA. KAZINFORM — «Qazgıdromet» 18-20 maýsymǵa arnalǵan Qazaqstan boıynsha aýa raıy boljamyn usyndy.
Aldaǵy kúnderi aýa raıyna negizinen atmosferalyq frontaldy bólikterdiń ótýi men bıiktik jyrasynyń áseri yqpal etedi.
Osyǵan baılanysty Qazaqstannyń basym bóliginde aýa raıy qubylmaly bolady.
Naızaǵaımen birge ótkinshi jańbyr jaýady, eldiń soltústiginde, ońtústiginde, ońtústik-shyǵysynda jáne ortalyǵynda qatty jańbyr kútiledi. Burshaq jaýyp, jel kúsheıedi.
19-20 maýsymda elimizdiń batysynda aýa temperatýrasy 40-43 gradýsqa deıin kóterilip, aptap ystyq bolady. Respýblıkanyń qalǵan aýmaǵynda aýa temperatýrasynyń kúrt ózgerýi kútilmeıdi.
