Aldaǵy kúnderi 40 gradýs aıaz bolady

ASTANA. KAZINFORM — El aýmaǵynyń basym bóligine soltústik-batystan kelgen sýyq antıtsıklon áser etedi. 

Sonyń saldarynan jaýyn-shashyn toqtap, arktıkalyq sýyq aýa massalarynyń kelýimen aýa temperatýrasy tómendeıdi.

Tek ońtústik óńirlerde jaýyn-shashyndy (negizinen jańbyr túrinde) bolady. Sondaı-aq jel kúsheıip, kóktaıǵaq bolyp, tuman basady.

Túngi ýaqytta batys oblystarda aýa temperatýrasy 15–25 gradýs aıaz bolady. Soltústik jáne ortalyq óńirlerde 28–37 gradýsqa deıin tómendeıdi, shyǵysta 32–40 gradýs aıaz kútiledi. Al ońtústik oblystarda aýa temperatýrasy 0–10 gradýs aıaz shamasynda bolady. 

Aıta ketelik Jetisýda sý tasqyny kezeńi ádettegiden erte bastalǵany týraly jazǵan edik.