Aldaǵy kúnderi –38 gradýsqa deıin aıaz bolady

ASTANA. KAZINFORM — Jańa Jer aýdandarynan Qazaqstan aýmaǵyna jyljyp kele jatqan sýyq antıtsıklonnyń yqpalymen aldaǵy kúnderi termometr kórsetkishi 30–38 gradýs aıazǵa deıin tómendeıdi dep boljandy. Bul týraly Qazgıdromet RMQ málim etti. 

— Kúntizbelik qystyń bastalýymen Qazaqstan turǵyndaryn aýa raıy jyly bolyp qýantty. Jańa Jer aýdandarynan Qazaqstan aýmaǵyna sýyq antıtsıklon jyljyp keledi. Ol respýblıka aýmaǵy arqyly jyldam qozǵalyp, aldymen soltústik óńirlerde, keıin elimizdiń basqa aımaqtarynda aýa temperatýrasynyń aıtarlyqtaı tómendeýine ákeledi, — delingen Qazgıdromet habarlamsynda.

14 qańtarda soltústik, 15 qańtarda shyǵys óńirlerde túngi ýaqytta aýa temperatýrasy 30–38 gradýs aıazǵa deıin tómendeıdi. Qatty aıazǵa qaramastan, antıtsıklonnyń jyldam jyljýy jeldiń kúsheıýine sebep bolady: eldiń soltústik jartysynda keıbir aýdandarda jel ekpini sekýndyna 28 metrge deıin jetedi.

12 qańtarda eldegi qaı joldar ashyq, qaısysy jabyq ekenin myna siltemeden oqyńyz.