Aldaǵy kúnderi 36 gradýs ystyq bolady
ASTANA. KAZINFORM – Qazgıdromet 2-4 maýsymǵa arnalǵan el boıynsha aýa raıy boljamyn usyndy.
Atmosferalyq frontaldy bólikterdiń ótýine baılanysty respýblıkanyń basym bóliginde aýa raıy qubylmaly bolady. Sonyń saldarynan jańbyr jaýyp, naızaǵaı bolady.
2 maýsymda Pavlodar oblysynda, 3 maýsymda Atyraý jáne Mańǵystaý oblystarynda, 3-4 maýsymda Aqtóbe oblysynda, 4 maýsymda Qostanaı oblysynda qatty jańbyr jaýady dep boljanyp otyr. Keı jerlerde burshaq túsip, ekpindi jel soǵýy múmkin.
Respýblıka boıynsha jel kúsheıedi, al ońtústik-batys pen ońtústik óńirlerde shańdy daýyl bolýy yqtımal.
Kúndizgi aýa temperatýrasy batysta +23…+28°S-qa deıin joǵarylaıdy. Soltústik-batysta aýa temperatýrasy +13…+26°S-qa deıin tómendeıdi. Soltústik óńirlerde +25…+32°S-qa deıin, respýblıkanyń ortalyǵy men shyǵysynda +27…+36°S-qa deıin joǵarylaıdy. Al ońtústik jáne ońtústik-shyǵys óńirlerde aýa temperatýrasy sál tómendep, +25…+35°S shamasynda bolady.
Aıta ketelik Eýropanyń birneshe elinde aptap ystyq bastalǵany týraly jazǵan edik.
