Aldaǵy kúnderi 35 gradýs aıaz bolady
ASTANA. KAZINFORM – Aldaǵy úsh táýlik ishinde el aýmaǵynda aýa raıy qubylmaly bolady.
Respýblıkanyń basym bóliginde qar jaýyp, burqasyn bolady, al elimizdiń soltústik-batysynda, soltústiginde, shyǵysynda jáne ortalyǵynda qalyń qar jaýady.
Batys jáne ońtústik óńirlerde jaýyn-shashyn jańbyr men qar túrinde boljanady, al Qazaqstannyń ońtústigi men ońtústik-shyǵysynyń taýly aımaqtarynda qar jaýady.
El aýmaǵynda tuman, kóktaıǵaq bolyp, sondaı-aq jel kúsheıedi.
Temperatýralyq fonǵa kelsek, soltústik-batys, soltústik, shyǵys jáne ortalyq óńirlerde aýa temperatýrasy 0–5 gradýstan 18–30 gradýs aıazǵa deıin kúrt aýytqıdy, al Qostanaı jáne Soltústik Qazaqstan oblystarynda 33–35 gradýsqa deıin aıaz bolady. Eldiń qalǵan aýmaǵynda aýa temperatýrasy aıtarlyqtaı ózgermeıdi.
Aıta ketelik 19 jeltoqsanda respýblıka boıynsha qaı joldar jabyq turǵanyn jazǵan edik.