Aldaǵy kúnderi 34 gradýsqa deıin ysıdy

ASTANA. KAZINFORM — Respýblıkanyń basym bóliginde aýa raıy qubylmaly bolady: jańbyr jaýyp, naızaǵaı oınaıdy.

Ońtústik-shyǵystyń taýly aýdandarynda túngi ýaqytta jańbyr aralas qar jaýady. Keı jerlerde burshaq jaýyp, ekpindi jel soǵýy múmkin. Túngi jáne tańǵy ýaqytta tuman kútiledi.

Jaýyn-shashynsyz ashyq aýa raıy soltústik jáne ortalyq oblystarda búkil kezeń boıy, ońtústik oblystarda 28-29 sáýirde, shyǵys oblystarda 29-30 sáýirde kútiledi.

Respýblıkanyń ońtústik-batysynda jáne ońtústiginde shańdy daýyl boljanady.

Túngi jáne tańǵy ýaqytta respýblıka boıynsha tuman bolady.

Batysta, soltústik-batysta, soltústikte, shyǵysta, sondaı-aq 28-29 sáýirde eldiń ortalyǵynda túngi ýaqytta 3°S-qa deıin úsik júredi dep kútiledi.

Kúndiz respýblıka boıynsha aýa temperatýrasy birtindep joǵarylaıdy:

batysta +15...+20°S deıin,
soltústik-batysta +17...+25°S deıin,
soltústikte +21...+26°S deıin,
ortalyqta +21...+30°S deıin,
shyǵysta +19...+27°S deıin,
ońtústikte +25...+34°S deıin,
ońtústik-shyǵysta +22...+27°S deıin.

Aıta ketelik aýa temperatýrasy -2°C deıin tómendep, úsik júretini týraly jazǵan edik.