Aldaǵy kúnderi 30 gradýs aıaz bolady

ASTANA. KAZINFORM — «Qazgıdromet» RMK  25–27 jeltoqsanǵa arnalǵan aýa raıy boljamyn jarııalady. 

Aldaǵy kúnderi Qazaqstan aýmaǵy arqyly belsendi soltústik-batys tsıklony júrip ótedi. Onyń áserinen qar jaýyp, al ońtústik óńirlerde qar, keı jerlerde jańbyr jaýady.

26 jeltoqsanda ońtústik jáne ońtústik-shyǵys óńirlerde jaýyn-shashyn kútiledi. Respýblıkanyń basym bóliginde burqasyn bolyp, jeldiń kúsheıip, al batys jáne ońtústik óńirlerde kóktaıǵaq bolady.

Alaıda 27 jeltoqsanda tsıklonnyń ornyna sýyq batys antıtsıklony keledi, tsıklonnyń áserinen jaýyn-shashyn birtindep toqtap, aýa temperatýrasy tómendeıdi. Túnde soltústik-batys pen soltústik óńirlerde -25…-30°C, al shyǵysta -22…-30°C deıin aıaz bolady.

Aıta ketelik búgin eldegi qaı joldar ashyq, qaısysy jabyq ekenin jazǵan edik.