Aldaǵy kúnderi 20 gradýs aıaz bolady

ASTANA. KAZINFORM — Aldaǵy kúnderi Qazaqstan aýmaǵynyń basym bóligi tsıklonnyń yqpalynda  bolady. 

Osyǵan baılanysty jańbyr jáne qar jaýady.

13 qarashada shyǵys jáne ońtústik-shyǵys óńirlerde qatty jaýyn-shashyn (jańbyr, qar) bolady. Respýblıka boıynsha tuman túsip, kóktaıǵaq bolyp, jel kúsheıedi. Al shyǵys, soltústik jáne ortalyq aımaqtarda burqasyn bolady. Tek elimizdiń ońtústigi men ońtústik-batysynda jaýyn-shashynsyz aýa raıy saqtalady.

Soltústikte túnde –5…–12°S, kúndiz –0…–6°S,

Soltústik-batysta túnde –2…–10°S, kúndiz –0…–5°S,

Ortalyqta túnde –3…–13°S, kúndiz –6…+3°S,

Shyǵysta túnde –8…–20°S, kúndiz –0…–10°S.

Eldiń qalǵan aýmaqtarynda temperatýrada eleýli ózgerister bola qoımaıdy. 

Aıta ketelik elde 12 qarashada qandaı joldar jabyq ekenin jazǵan edik.