Aldaǵy demalysta kún raıy qandaı bolady
ASTANA. KAZINFORM — Qazgıdromet 7–9 qarashaǵa arnalǵan Qazaqstan aýmaǵy boıynsha aýa raıy boljamyn jarııalady.
Aldaǵy kúnderi Qazaqstan aýmaǵynda birneshe tsıklonnyń ótýine baılanysty aýa raıy turaqsyz bolady. Kezeńniń basynda soltústik óńirler arqyly soltústik tsıklonnyń jyrasy ótse, 8 qarashadan bastap elimizdiń aýmaǵy arqyly ońtústik tsıklon jyljıdy.
Qazaqstannyń basym bóliginde jańbyr men qar, al ońtústik óńirlerde jańbyr jaýady dep kútiledi.
8 qarashada batys óńirlerde nóser jańbyr, 9 qarashada soltústik-batys pen batysta qatty jaýyn-shashyn (jańbyr men qar), elimizdiń ońtústiginde kúndiz nóser jańbyr boljanady.
Respýblıka boıynsha jel kúsheıedi. Túngi jáne tańerteńgi ýaqytta tuman túsedi. Elimizdiń soltústik-batysy men soltústiginde kóktaıǵaq bolady.
Aýa temperatýrasy:
-
Batysta: túnde −3…+5 °C-tan −8…+3 °C-qa deıin, kúndiz +5…+15 °C-tan +2…+10 °C-qa deıin tómendeıdi.
-
Soltústik-batysta: túnde aýa temperatýrasy −1…−8 °C-tan −6…+3 °C-qa deıin sál joǵarylaıdy, kúndiz +2…+10 °C-tan −3…+5 °C-qa deıin tómendeıdi.
-
Shyǵysta: túnde −9…+2 °C-tan −5…+8 °C-qa deıin, kúndiz +2…+12 °C-tan +9…+17 °C-qa deıin joǵarylaıdy.
-
Ońtústikte: túnde −2…+6 °C-tan +7…+17 °C-qa deıin joǵarylaıdy, kúndiz +10…+23 °C pen +18…+27 °C aralyǵynda qubylady.
-
Ońtústik-shyǵysta: túnde aýa temperatýrasy +0…+10 °C-tan +7…+15 °C-qa deıin joǵarylaıdy, taýly aýdandarda −3…−8 °C-tan 0…+5 °C-qa deıin kóteriledi. Kúndiz +15…+25 °C-tan +17…+25 °C-qa deıin, taýly aýdandarda +10…+15 °C shamasynda bolady.
Elimizdiń qalǵan óńirlerinde aýa temperatýrasynyń aıtarlyqtaı ózgerýi kútilmeıdi.
