Aldaǵy demalys kúnderi elordada kezekti «Soǵym-FEST» et jármeńkesi ótedi

ASTANA. KAZINFROM — 20-21 jeltoqsan kúnderi uıymdastyrylatyn jármeńkege Aqmola, Abaı, Qaraǵandy, Túrkistan jáne Pavlodar oblystarynyń fermerleri qatysady. 

Astana qalasy ákimdiginiń málimetinshe, is-shara «Keryen Joly» saýda ortalyǵynyń avtoturaǵynda, Alash tas joly, 35B mekenjaıy boıynsha ótedi.

— Osy kúnderi atalǵan saýda ortalyǵynda qala turǵyndaryna burynnan tanys aýyl sharýashylyǵy jármeńkesi uıymdastyrylady. Onda jergilikti fermerler men Qazaqstannyń túrli óńirlerinen kelgen óndirýshilerdiń ónimderi usynylady, — delingen qujatta.

Sonymen qatar jármeńkede kókónis pen jemis-jıdek, et ónimderi, un jáne sút ónimderi, naýbaıhana taǵamdary, tabıǵı shyryndar, tabıǵı shyryndar men djemder jáne ózge de azyq-túlik túrlerin tıimdi baǵamen satyp alýǵa bolady.

Aıta keteıik, jármeńke ár demalys kúnderi saǵat 10:00–den 19:00–ge deıin jumys isteıdi. Kelýshilerdiń yńǵaıy úshin jármeńke ótetin orynǵa № 7, 11, 39, 41, 45, 53, 59, 81, 307 jáne 317 baǵyttaǵy qoǵamdyq kólikter qatynaıdy.

Eske sala keteıik, Astanadaǵy respýblıkalyq jármeńkege 100-ge jýyq qolónershi kelgen.

Buǵan deıin elordada kezekti ret «Soǵym-FEST» et jármeńkesi ótken edi.