Aldaǵy aptada ótetin sporttyq is-sharalar kestesi jarııalandy

ASTANA. KAZINFORM — Qazaqstan Respýblıkasy Týrızm jəne sport mınıstrliginiń resmı telegram-kanaly 11-17 qarasha aralyǵynda ótetin sporttyq is-sharalar kestesin jarııa etti.

9-12 qarasha — Asyq atýdan eresekter arasyndaǵy komandalyq Álem kýbogi. Jarysqa Qazaqstan quramasynyń 40 sportshysy qatysady. Ótetin orny: Túrkııa, Ankara qalasy. ⠀

9-13 qarasha — Dopty hokkeıden eresekter arasyndaǵy QR kýbogi Týrnırde elimizdiń 15 óńirinen 115 sportshysy baq synaıdy. Ótetin orny: Óskemen qalasy. ⠀

9-16 qarasha — Toǵyzqumalaqtan álem chempıonaty. Jahandyq jarysqa álemniń ár túkpirinen 100 sportshy qatysady. Ótetin orny: Túrkııa, Ankara qalasy. ⠀

10-16 qarasha — Para paýerlıftıngten QR chempıonaty. El birinshiliginde 17 óńirden 100 sportshy óner kórsetedi. Ótetin orny: Almaty qalasy. ⠀

10-17 qarasha — Belbeý kúresinen álem chempıonaty (barlyq jas sanaty boıynsha) Tatarstannyń Qazan qalasyndaǵy álem birinshiliginde 30 eldiń 700 sportshysy beldesedi. Qazaqstan quramasy sapynan 100 palýan qatysady. Ótetin orny: Reseı, Qazan qalasy. ⠀

13-17 qarasha — Djıý-djıtsý halyqaralyq Abu Dhabi World Professional Jiu-Jitsu Championship týrnıri. Halyqaralyq jarysqa álemniń 10 elinen 500 sportshy qatysady. El namysyn 28 sportshy qorǵaıdy. Ótetin orny: BAÁ, Abý-Dabı qalasy. 

Buǵan deıin habarlaǵanymyzdaı, Prezıdent Іs basqarmasynyń qyzmetkerleri voleıboldan ózara myqtyny anyqtady.