Aldaǵy 7 kúnde aýa raıy qandaı bolady

ASTANA. KAZINFORM — «Qazgıdromet» RMK aldaǵy 7 kúnge aýa raıy boljamyn jarııalady.

Sınoptıkterdiń boljamynsha, 2024 jylǵy 23-29 naýryz aralyǵynda Qazaqstan aýmaǵynyń basym bóliginde aýa raıynyń turaqsyz sıpaty saqtalady. Jańbyr, tuman, jeldiń kúsheıýi boljanyp otyr.

26 naýryzda Qazaqstannyń batysynda (Batys Qazaqstan, Atyraý), 26-27 naýryzda soltústik-batysta (Aqtóbe, Qostanaı), 23, 26-28 naýryzda respýblıkanyń ońtústiginde (Túrkistan oblysy), 28-29 naýryzda elimizdiń ońtústik-shyǵysynda (Jambyl, Almaty, Jetisý oblystary) qatty jańbyr jaýady dep kútiledi.

Qazaqstannyń barlyq aýmaǵynda aýa temperatýrasy jylynady dep kútiledi.

Gıdrologııalyq jáne meteorologııalyq jaǵdaılar kúrt ózgergen jaǵdaıda «Qazgıdromet» sý tasqyny qaýpi týraly daýyldy eskertýlermen aldyn ala habardar etetin bolady.

Qazaqstan aýmaǵynyń qarmen jabylǵan aýdany 55%-dy quraıdy.