Alty aıda eki myń aýyl SpaceX Starlink arqyly ınternetpen qamtylady
Ilon Maks kompanııasy aldaǵy jarty jyldyń ishinde elimizdegi shalǵaıda ornalasqan 2 myń aýyldy Internetpen qamtamasyz etedi. Bul týraly Tsıfrlyq damý, ınnovatsııalar jáne aeroǵarysh ónerkásibi mınıstri Baǵdat Mýsın aıtty, dep habarlaıdy Kazinform.
«Forýmǵa SpaceX tóraǵasynyń orynbasary (SpaceX Starlink bıznes-operatsııalary jónindegi dırektory Loren Dreıer) kelgen bolatyn. Onymen ekijaqty kezdesýler ótti. Ol Prezıdent myrzamen kezdesýi barysynda pılot retinde shalǵaıdaǵy 2 myń aýyl mektebin SpaceX Starlink tehnologııasy arqyly ınternetke qosýǵa kelisimin berdi. Biz kóp uzartpaı, jarty jyldyń ishinde 2 myń aýyldaǵy mektepti Starlink arqyly jyldamdyǵy joǵary Internetke qosamyz», - dedi mınıstr «Digital Bridge 2023» halyqaralyq tehnologııalyq forýmy aıasyndaǵy brıfıngte.
Onyń atap ótýinshe, SpaceX Starlink tehnologııasynyń ıgiligin tek muǵalimder men oqýshylar ǵana emes, sonymen qatar aýyl turǵyndary da kóredi.
«Menińshe, ol jalpy aýyldaǵy Internetke qosylam deýshilerge úlken múmkindik beredi. Óıtkeni, ol aýyldarda 200-den 500-ge deıin adam turady. Olardyń ishinde ınternet múldem joq aýyldar da bar. Sol aýyldarǵa 100-200 Mbıt-tik ınternet jetkizilgen kezde turǵyndar mekteptegi ınternetti paıdalanyp, ózderine qajetti servısterdi júkteı alatyn bolady», - dedi Baǵdat Mýsın.
