Aldaǵy 5 jylda jol boılarynda motel túrindegi 60 qonaqúı paıda bolady

ASTANA. KAZINFORM – 2029 jylǵa deıin jol boılarynda motel túrindegi 60 qonaqúı paıda bolady. Halyqaralyq franshıza negizinde salynatyn bul nysandarda jatyn oryn, TIR turaǵy, janarmaı beketteri bolady.

Үлкен Алматы айналма жолы
Фото: Александр Павский/ Kazinform

Kólik mınıstri Marat Qarabaev Úkimet otyrysynda bıyl 4 myń shaqyrym jol aqyly bolatynyn málim etti.

- Jol boıyndaǵy zamanaýı servıstik obektilerdi qalyptastyrý úshin QazaqOil, RoyalPetrol jáne Compass sııaqty iri ınvestorlar 400-den astam nysan salýdy jáne modernızatsııalaýdy josparlap otyr.

Sonymen qatar Petro Retail kompanııasy jol boıyndaǵy servıs nysandarynyń júıesin qurady. 2029 jylǵa deıin 60 keshendi nysannyń qurylysy josparlanǵan. Onyń 10-y bıyl júzege asyrylady, - dedi ol.

Atalǵan jobaǵa 120 mlrd teńge ınvestıtsııa tartylmaq.

- Atalǵan kompanııa elimizde birinshi ret halyqaralyq franshıza negizinde motel túrindegi qonaqúıler júıesin qalyptastyrady. ıAǵnı, jatyn oryn, TIR turaǵy, janarmaı beketteri jáne júrgizýshiler men týrısterge arnalǵan biryńǵaı servıstik qarastyrylǵan, - dedi Marat Qarabaev.

Buǵan deıin bıyl eldegi avtojoldardyń aqyly ýchaskelerindegi tarıfter orta eseppen 30 paıyzǵa ósýi josparlanǵany málim bolǵan edi.

Сейчас читают