Aldaǵy 4 jylda elimizde jyl saıyn 200-ge jýyq ınvestıtsııalyq joba iske qosylady

BÝRABAI. KAZINFORM – Qazaqstanǵa iri ınfraqurylymdyq jobalar óte qajet. Ulttyq quryltaıdyń V otyrysynda Prezıdent Qasym-Jomart Toqaev osyndaı oı aıtty.

- Aldaǵy tórt jyl ishinde elimizde jyl saıyn 200-ge jýyq ınvestıtsııalyq joba iske qosylyp otyrady. Osy arqyly biz memlekettiń jańa ındýstrııalyq qalybyn jasap, kólik-tranzıt áleýetin nyǵaıta túsemiz, - dedi Qasym-Jomart Toqaev.

Prezıdenttiń sózinshe, memleketimizge iri ınfraqurylymdyq jobalar óte qajet.

- Aýqymdy jobalar aımaqtardyń ekonomıkalyq múmkindigin arttyrady. Myńdaǵan jańa jumys ornyn ashyp, azamattardyń ál-aýqatyn jaqsartýǵa yqpal etedi. Jalpy aıtqanda, iri jobalardy júzege asyrý – elimizdiń osy aımaqtaǵy kóshbasshylyq rólin arttyratyn birden-bir jol, - dedi Memleket basshysy.

Aıta ketý kerek, quryltaıdyń paneldik sessııalary keshe bastalǵan. Ol sektsııalardyń taqyryptary azamattyq qoǵam, mádenıet, óner, rýhanııat, bilim jáne ǵylym, áleýmettik-ekonomıkalyq damý máselelerin qamtydy.