Aldaǵy 4 jylda 5 myń shaqyrym jańa temirjol salynady – Úkimet basshysy
ASTANA. KAZINFORM – Elimiz 2023 jylǵa qaraı tranzt kólemin jylyna 100 mln tonna jetkizýdi josparlap otyr. Bul týraly Temirjoldar yntymaqtastyǵy uıymy konferentsııasynyń 40-otyrysynda Premer-mınıstr Oljas Bektenov aıtty.
- Qazaqstan – jahandyq muhıtqa tikeleı shyǵar joly joq álemdegi eń iri memleket. Biraq biz osy geografııalyq erekshelikti strategııalyq artyqshylyǵymyzǵa aınaldyrý baǵytynda jumys istep jatyrmyz. Sońǵy 15 jylda biz kólik salasyna shamamen 35 mlrd dollar qarajat saldyq. 2 500 shaqyrymnan astam jańa magıstraldyq joldar salyndy, - dedi Premer-mınıstr.
Úkimet basshysy búginde «Batys Eýropa – Batys Qytaı» baǵyty boıynsha barlyq qurlyqtaǵy tranzıttik tasymaldardyń 85 paıyzǵa jýyǵy Qazaqstan arqyly ótetinin aıtty.
- Biraq munymen toqtap qalmaımyz. Aldaǵy 4 jylda taǵy 5 myń shaqyrym jańa temirjol salýdy josparlap otyrmyz. Bizdiń maqsatymyz –2035 jylǵa qaraı tranzıt kólemin jylyna 100 mln tonnaǵa deıin jetkizý, - dedi Oljas Bektenov.
Aıta keteıik, taıaýda Kólik mınıstri Nurlan Saýranbaev tranzıt kólemin 55 mln tonnaǵa deıin ulǵaıtý jónindegi nysanaly kórsetkishterge qol jetkizý úshin jedel ári úılestirilgen sharalar qabyldaýdyń mańyzdylyǵyn atap ótken edi.
